ЭХ АНГИЙН БАГШ

ДОРНОД АЙМГИЙН ЕБС-ИЙН БАГА АНГИЙН БАГШ НАР, СУРГАЛТЫН МЕНЕЖЕРҮҮДИЙГ МЭДЭЭЛЭЛ, АРГА ЗҮЙ, ЗӨВЛӨГӨӨГӨӨР ХАНГАНА.

НОМ УНШИЖ ӨГӨХИЙН АЧ ТУС

2016-09-24 13:14:17

   НОМ УНШИЖ ӨГӨХИЙН АЧ ТУС

Хүүхдэд багаас нь ном уншиж өгөх нь хүүхдийн хүмүүжил төлөвшилд сайнаар нөлөөлдөг. Харин яг ямар учраас сайн болох талаар хэд хэдэн шалтгааныг тоочъё:

- Өөрийн насанд нь тохирсон ном уншиж өгсөнөөр хүүхдийн бүтээлч чанар, хийсвэрлэн бодох сэтгэхүй хөгжиж байдаг.

- Ном уншуулж өссөн хүүхдийн ярих болоод унших чадвар сайн хөгждөг бөгөөд үүнийгээ дагаад анхаарал, ой тогтоолт ч сайтай болдог.

- Хүүхэддээ ном уншиж өгсөнөөр тэдний аливааг танин мэдэх сонирхлыг өдөөж, бие даан суралцах суурийг тавьж өгдөг.

- Номноос бусдын туршлагад суралцаж зөв бурууг танин мэдэж, харилцах чадвар сайжирдаг.

- Аав ээж, ах эгчээрээ ном уншуулснаар хүүхэд хайр энэрэл, халуун дотно сэтгэлийг мэдэрдэг бөгөөд ингэснээр өөртөө итгэх итгэлтэй болдог. Харин анхаарах ёстой зүйл нь ном уншиж өгөхдөө дуу хоолойны өнгийг өндөр нам болгож, чин сэтгэлээсээ уншиж өгөх хэрэгтэй юм шүү.

- Номон дээрх сонирхолтой зураг, өгүүлэмжүүд нь хүүхэд уран зохиолын номонд дуртай болох эхлэлийг тавьдаг.

- Олон төрлийн ном уншсанаар хүүхдийн танин мэдэхүйд тус нэмэртэй.

                                                                                                                                                                Эх сурвалж: Г.Саруул

Ангилал : ЭЦЭГ ЭХИЙН БУЛАН | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

"ҮДИЙН ЦАЙ" ХӨТӨЛБӨР ХӨТӨЛБӨРИЙН ХЭРЭГЖИЛТЭД ХЯНАЛТ, ҮНЭЛГЭЭ ХИЙХ ТУХАЙ

2016-09-23 17:10:37

"ҮДИЙН ЦАЙ" ХӨТӨЛБӨР ХӨТӨЛБӨРИЙН ХЭРЭГЖИЛТЭД ХЯНАЛТ, ҮНЭЛГЭЭ ХИЙХ ТУХАЙ

Эрүүл мэндийн газартай хамтран Хэрлэн сумын  ерөнхий боловсролын сургууль, сургуулийн өмнөх боловсролын байгууллагад хүнс, орчны эрүүл ахуй, "Үдийн цай" хөтөлбөрийн хэрэгжилтэд хяналт, үнэлгээг хийх удирдамжийг хүргүүлж байна. Удирдамжийн дагуу хүнс нийлүүлэгч байгууллагатай хийсэн гэрээ, хүнсний эрүүл ахуйн шаардлагад нийцсэн эрх бүхий байгууллагын тодорхойлолт зэргийг  хуваарьт өдөрт бэлэн байлгахыг хүсье. Удирдамжийг хавсаргав. 

Ангилал : МЭДЭЭ МЭДЭЭЛЭЛ | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

ҮНДСЭН СУРГАЛТЫН БҮРТГЭЛ ЭХЭЛЖ БАЙНА.

2016-09-23 14:49:32

ҮНДСЭН СУРГАЛТЫН БҮРТГЭЛ ЭХЭЛЖ БАЙНА.

 Багшийн мэргэжил дээшлүүлэх институт нь 2017 оны сургуулийн өмнөх боловсрол болон бага, дунд боловсролын сургалтын байгууллагын багш, ажилтны мэргэжил дээшлүүлэх үндсэн сургалтуудыг дараах хуваарийн дагуу зохион байгуулахаар төлөвлөж байна. 10 дахь жилдээ ажиллаж буй багш, ажилтны сургалтыг 2017 оны 01-02 дугаар сард, 5 дахь жилдээ ажиллаж буй багш, ажилтны сургалтыг 2017 оны 03-04 дүгээр сард,  эхний жилдээ ажиллаж буй багш, ажилтны сургалтыг 2017 оны 05-06 дугаар сард явагдана. Энэхүү ажлын хүрээнд сургуулийн өмнөх боловсролын байгууллага, ерөнхий боловсролын сургуульд эхний болон 5, 10 дахь жилдээ ажиллаж буй багш, удирдах ба бусад ажилтнуудын бүртгэлийг онлайнаар 2016 оны 09 дүгээр сарын 26-аас 10 дугаар сарын 26-ны хооронд http://burtgel.itpd.mn/ бүртгэлийн системээр авахыг үүгээр мэдэгдэж байна. Сургалтад бүртгүүлэх зөвлөмж, шаардлагыг хавсралтаар хүргүүлэв. Заагдсан хугацаанд шаардлагын дагуу баримтыг бүрдүүлэн бүртгүүлж, сургалтад хамрагдах эрхээ авна уу. БҮРДҮҮЛЭХ МАТЕРИАЛ

 

Ангилал : СУРГАЛТ | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

ТЭРГҮҮЛЭХ БАГШ МЭРГЭЖЛИЙН ЗЭРЭГ АВАХ БАГШ НАРЫН АНХААРАЛД

2016-09-21 08:55:38

ТЭРГҮҮЛЭХ БАГШ МЭРГЭЖЛИЙН ЗЭРЭГ АВАХ БАГШ НАРЫН АНХААРАЛД

БСШУ-ын сайдын 2013 оны а/305 дугаар тушаалын 3.1 болон 3.2.2.2-т заасны дагуу тэргүүлэх багш мэргэжлийн зэрэгтэй багш нь өөрийн арга зүй технологоо олон нийтэд танилцуулсан байх шаардлагатай билээ. Өмнө жилүүдэд тэргүүлэх багш" мэргэжлийн зэрэг горилогчид www.teacher.sur.mn сайтад материалаа тавьж байсан боловч чанарын шаардлага хангахгүй байсан тул энэ жил мэргэжлийн зэрэг горилж буй багш нарт зориулсан сэргээн сануулах сургалтыг зохион байгуулах гэж байна. Сургалтыг 2016 оны 9 сарын 22-ны өдөр 9.00-12.00 цагт хийх төлөвлөгөөтэй байна. Иймд танай байгууллагаас "Тэргүүлэх багш" мэргэжлийн зэрэг шинээр авах буюу сунгуулах хүсэлтэй багш нарын судалгаагterguuleh.xlsx файлаар 9 сарын 21-ний 14.00 цагийн өмнө bbimba3579@gmail.com хаягаар ирүүлнэ үү. Жич: Багш нарын тоо 20-оос хэтэрсэн тохиолдолд зохион байгуулалтын арга хэмжээ авна. Дурьдсан цагт бүртгэлээ ирүүлээгүй багш нарыг сургалтад хамруулах боломжгүйг мэдэгдье. СУДАЛГАА

 

Ангилал : МЭДЭЭ МЭДЭЭЛЭЛ | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

СУРГУУЛИЙН ТЭТГЭЛЭГТ ХӨТӨЛБӨРИЙН ТУХАЙ

2016-09-19 15:39:00

СУРГУУЛИЙН ТЭТГЭЛЭГТ ХӨТӨЛБӨРИЙН ТУХАЙ

Энэ хичээлийн жилд манай аймгийн ерөнхий боловсролын 17 сургуульд“Боловсролын чанарын шинэчлэл”төслийн “Сургуулийн тэтгэлэгт хөтөлбөр” нь 91641170 төгрөгийн санхүүжилттэйгээр хэрэгжих бөгөөд  9 дүгээр сарын 16-ны өдөр төслийн 80 хувийг буюу 73312936 төгрөгийг сургууль бүрийн нэмэлт санхүүжилтын данс руу шилжүүллээ. Төслийн дунд шатны тайлан ирүүлсний дараа 20 хувийг шилжүүлэх болно. Сургууль бүрийн төслийн санхүүжилтыг танилцуулж байна. Сургуулийн удирдлагууд болон багш нартаа төслөө амжилттай хэрэгжүүлэхийг хүсье. САНХҮҮЖИЛТ

Ангилал : МЭДЭЭ МЭДЭЭЛЭЛ | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

1-Р АНГИЙН СУРАЛЦАГЧДЫН ТАЛААРХ МЭДЭЭЛЭЛ ИРҮҮЛЭХ ТУХАЙ

2016-09-19 11:33:45

1-Р АНГИЙН СУРАЛЦАГЧДЫН ТАЛААРХ МЭДЭЭЛЭЛ ИРҮҮЛЭХ ТУХАЙ

Боловсролын тухай хуулийн 35 дугаар зүйлийн 35.4.9 дэх заалтыг хэрэгжүүлэх чиглэл боловсруулахтай холбогдуулан мэдээлэл, санал авах тухай албан тоотыг үүгээр хүргүүлж байна. БСШУСЯ-д нэгтгэн хүргүүлэх тул өгсөн загварын дагуу үндэслэл сайтай мэдээллийг  гарган 9 дүгээр сарын 20-ны өдөр ирүүлэхийг хүсье. МЭДҮҮЛЭЛ ИРҮҮЛЭХ ХҮСНЭГТ

Ангилал : МЭДЭЭ МЭДЭЭЛЭЛ | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

ЗӨВЛӨМЖ ХҮРГҮҮЛЭХ ТУХАЙ

2016-09-14 13:59:59

ЗӨВЛӨМЖ ХҮРГҮҮЛЭХ ТУХАЙ

БСШУСЯ-ны сургуулийн өмнөх боловсролын хэлтсээс ирүүлсэн зөвлөмжийг танилцуулж байна.1 дүгээр анги даан ажиллаж байгаа багш нар дараах зөвлөмжийг хэрэгжүүлэн ажиллана уу. Зөвлөмжийн хэрэгжилтэд сургалтын менежер хяналт тавин ажиллахыг хүсье. ЗӨВЛӨМЖ

 

Ангилал : МЭДЭЭ МЭДЭЭЛЭЛ | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

БАГА АНГИЙН СУРАХ БИЧГИЙН ТАЛААР

2016-09-12 21:42:41

БАГА АНГИЙН СУРАХ БИЧГИЙН ТАЛААР

Бага ангийн сурах бичгийн судалгааг авч нэгтгэлээ. Аймгийн хэмжээнд 2 дугаар ангийн 100 сурагчдад сурах бичиг дутаж байгаа бөгөөд БСШУСЯ-д хүсэлт тавьсан боловч одоогоор улсын хэмжээнд дахин нэмэлтээр нийлүүлэх нөөц сурах бичиг байхгүй байна. Бусад ангийн сурах бичгийг дараах байдлаар орон нутагтаа зохицуулалт хийлээ. Ерөнхий боловсролын сургуулийн 1, 4, 5 дугаар ангийн сурах бичгийг Боловсрол, соёл, урлагийн газраас авна. 2, 3 дугаар ангийн сурах бичгийн нөөц БСУГ-т байхгүй тул Flower сургууль 3 дугаар ангийн сурах бичгийг Чойбалсан сумын сургуулийн номын сангаас, бусад сургуулиуд 1 дүгээр сургуулийн номын сангаас, Шинэ хөгжил цогцолбор сургууль 5 дугаар ангийн сурах бичгийг 8 дугаар сургуулийн  номын сангаас тус тус авна. Сургуулиуд сурах бичиг авсан сургуулийн номын санчтай гэрээ хийж энэ жилдээ ашиглаад хичээлийн жилийн эцэст буцаан өгнө. 1, 4, 5 дугаар ангийн сурах бичгийг 9 дүгээр сарын 12-14-ний өдрүүдэд нярав Г.Мөнх-Эрдэнээс авна уу. СУРАХ БИЧГИЙН ХУВААРЬ

 

 

Ангилал : МЭДЭЭ МЭДЭЭЛЭЛ | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

БОЛОВСРОЛЫН ЧАНАРЫН ШИНЭЧЛЭЛ ТӨСЛИЙН ТАЛААР

2016-09-12 17:09:49

БОЛОВСРОЛЫН ЧАНАРЫН ШИНЭЧЛЭЛ ТӨСЛИЙН ТАЛААР

Боловсролын чанарын шинэчлэл төслөөс дараах мэдээллийг хүргүүлж байна. 1. Сургуулийн тэтгэлэгт хөтөлбөрийн 2 дугаар шатны санхүүжилт Яамны тушаалын хавсралт ёсоор  аймаг, нийслэлийн БСГ-ын нэмэлт санхүүжилтын дансанд өнөөдөр шилжсэн болно. 2. Сургуулиудад бичсэн төслийн санал, үйл ажиллагааны төлөвлөгөө зэргээ дахин нэг эргэн харна уу. 3. Эхний шатны сургамжид тулгуурлан, тэтгэлэгт хөтөлбөрийн сургалтын зохион байгуулалт, тайлагнах баримт бичгүүдэд зарим өөрчлөлт оруулахаар төслийн алба ажиллаж байна. Үүнийг жичид нь мэдээлэх болно. Ялангуяа дунд ба эцсийн шатны тайланг ирүүлэх маягтыг хялбаршуулан, хуудасны тоо зааж өгөх шаардлагатай гэж үзсэн болно. Энэ талаар та бүхэн санал байвал надад явуулаарай.Батлагдсан төслүүдийг танилцуулж байна. САЙДЫН ТУШААЛЫН ХАВСРАЛТ

 

 

Ангилал : ТУШААЛ ШИЙДВЭР | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

БАГА БОЛОВСРОЛЫН МЭРГЭЖИЛТНИЙ 2016-2017 ОНЫ ХИЧЭЭЛИЙН ЖИЛД СУРГУУЛЬ ДЭЭР АЖИЛЛАХ ХУВААРЬ

2016-09-09 14:18:56

БАГА БОЛОВСРОЛЫН МЭРГЭЖИЛТНИЙ 2016-2017 ОНЫ ХИЧЭЭЛИЙН ЖИЛД СУРГУУЛЬ ДЭЭР АЖИЛЛАХ ХУВААРЬ

Сургалтын  талаар баримтлах бодлого, стандартад  суурилсан боловсролын тогтолцоог  хөгжүүлэх, эрүүл, аюулгүй, ээлтэй орчин хүртээмжтэй үйлчилгээг бий болгох, хүүхэд бүрийн хөгжилд суурилсан бага боловсролын цөм хөтөлбөрийг хэрэгжүүлэх багш  нарыг мэргэжил арга зүйн удирдлагаар хангаж ажиллана.  2016-2017 оны хичээлийн жилд  доорх хуваарийн дагуу сургуулидад очих ба багшийн хичээл, үйл ажиллагаанд ажиглалт хийх, хүүхэд бүрийн ахиц, амжилт, хөгжлийн үр дүнг судлан, зөвлөгөө өгч ажиллана.

Сайн хичээл үйл ажиллагаа нь анги тус бүрт 2 удаа нийт 10 удаа зохион байгуулагдах бөгөөд тухайн хуваарийн дагуу "Лхагва" гараг бүрийн 11 цагаас явагдах тул багш нар тухайн сургууль дээр 10 цаг 50 минутад очсон байна. Багш нар хичээл, үйл ажиллагааны хөтөлбөртэй 2 хоногийн өмнө танилцсан байх шаардлагатай.

 ЗАН-ийн ажлыг тухайн сургуулийн секц хариуцан туршлага түгээн дэлгэрүүлэх, уулзалт зөвлөгөөн хэлбэрээр зохион байгуулна. Сумдын сургуулиудад БСГ-ын зөвлөн туслах арга зүйн баг очиж ажиллана. АЖИЛЛАХ ХУВААРЬ

 

Ангилал : МЭДЭЭ МЭДЭЭЛЭЛ | Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй