ЭХ АНГИЙН БАГШ

ДОРНОД АЙМГИЙН ЕБС-ИЙН БАГА АНГИЙН БАГШ НАР, СУРГАЛТЫН МЕНЕЖЕРҮҮДИЙГ МЭДЭЭЛЭЛ, АРГА ЗҮЙ, ЗӨВЛӨГӨӨГӨӨР ХАНГАНА.

СУРГАЛТ

СУРГУУЛИЙН ЗАХИРАЛ, СУРГАЛТЫН МЕНЕЖЕРТ

2015-03-23 10:16:53

СУРГУУЛИЙН ЗАХИРАЛ, СУРГАЛТЫН МЕНЕЖЕРТ

Боловсрол, Соёл, Шинжлэх Ухааны Яам, Японы хүүхдийг ивээх сантай хамтран хэрэгжүүлж байгаа “Алслагдсан хөдөөгийн хүүхдүүдийн бага боловсролын үр дүнг сайжруулах” төслийн хүрээнд “Хичээлийн бус нэмэлт хөтөлбөр”-ийг орон нутагт түгээх сургалт 2015 оны 3 дугаар сарын 30-31-ний өдрүүдэд Хэрлэн сумын бага ангийн багш нарт зохион байгуулагдана. Сургалт Хэрлэн сумын 5 дугаар сургуулийн урлагийн зааланд явагдах тул сургууль бүр бага ангийн 4 багшийг хугацаанд нь бүрэн  хамруулна уу. Секц бүрээс багшийг хамруулахад анхаарна уу.

Нийтэлсэн : Bumaa | Уншсан (20) | Сэтгэгдэл ( 0 ) | Дэлгэрэнгүй

ТҮВШИН ТОГТООХ ШАЛГАЛТ ЗОХИОН БАЙГУУЛАГДЛАА.

2015-03-17 17:46:36

ТҮВШИН ТОГТООХ ШАЛГАЛТ ЗОХИОН БАЙГУУЛАГДЛАА.

 Боловсролын газрын үлгэрчилсэн журмын 2.4.4, 2.4.8 дугаар хэсэгт заасны дагуу ерөнхий боловсролын сургуулийн 2-3 дугаар ангийн монгол хэл, математикийн хичээлийн цөм хөтөлбөрийн хэрэгжилт, суралцагчийн мэдлэг, чадварыг үнэлэх  зорилгоор түвшин тогтоох шалгалтыг 2015 оны 3 дугаар сарын 11-12-ны өдрүүдэд  сургалтын менежерүүд зохион байгуулав. 2 дугаар ангийн 48 бүлгийн 1328 сурагч дүгнэгдэхээс 1282 сурагч дүгнэгдэж, монгол хэл хичээлийн стандарт хангалт 78 хувь, математик хичээлийн стандарт хангалт 71 хувь, 3 дугаар ангийн 46 бүлгийн 1193 сурагч дүгнэгдэхээс 1154 сурагч дүгнэгдэж, монгол хэл хичээлийн стандарт хангалт 70 хувь, математик хичээлийн стандарт хангалт 71 хувьтай дүгнэгдлээ. 2 ДУГААР АНГИЙН ҮНЭЛГЭЭ, 3 ДУГААР АНГИЙН ҮНЭЛГЭЭ

Нийтэлсэн : Bumaa | Уншсан (54) | Сэтгэгдэл ( 0 ) | Дэлгэрэнгүй

“ХИЧЭЭЛИЙН СУДАЛГАА ХИЙХЭД АНХААРАХ АСУУДАЛ” СУРГАЛТ БОЛЛОО.

2015-03-05 16:42:42

“ХИЧЭЭЛИЙН СУДАЛГАА ХИЙХЭД АНХААРАХ АСУУДАЛ” СУРГАЛТ БОЛЛОО.

Жайка байгууллагын сайн дурын ажилтан Карияа Изүми, Сүгияама Харүка нар Дорнод аймгийн Хан-Уул цогцолбор сургууль болон 5 дугаар сургуулиудад 2 жилийн хугацаатай ажиллав. Ажиллах хугацаандаа Хэрлэн сумын сургуулиудын бага боловсролын багш нарт 16 удаагийн сургалтыг зохион байгуулсан. Бага ангийн математик, хүн байгаль, дүрслэх урлаг, технологийн хичээлээр багшийг чадваржуулах дадлага, туршилтын хичээлийг зохион байгууллаа. Изүми, Харүка багш нартаа Дорнод аймгийн бага боловсролын багш нарын мэргэжил арга зүйг дээшлүүлэхэд үнэтэй хувь нэмэр оруулсанд баярлаж, талархсанаа илэрхийлье. 3 дугаар сарын 5-ны өдөр зохион байгуулсан “ Хичээлийн судалгаа хийхэд анхаарах асуудлууд” сургалтын хичээлийг танилцуулж байна. Та ЭНД дараад татаж авна уу.

 

Нийтэлсэн : Bumaa | Уншсан (25) | Сэтгэгдэл ( 0 ) | Дэлгэрэнгүй

1 ДҮГЭЭР АНГИЙН БАГШ НАРЫН СУРГАЛТ БОЛЛОО.

2014-09-26 17:59:59

1 ДҮГЭЭР АНГИЙН БАГШ НАРЫН СУРГАЛТ БОЛЛОО.

   9 дүгээр сарын 24-ны өдөр Хэрлэн сумын ЕБС-ийн 1 дүгээр ангийн 35 багшид математикийн хичээл “Аравт хэтрүүлэн нэмэх, хасах” сэдвээр Японы сайн дурын мэргэжилтэн Харүка, Изүми нартай хамтран сургалт зохион байгуулав. Сургалтаар 1-10 хүртэлх тооны бүтцийг таниулах, аравт хэтрүүлэн нэмэх, аравт задлан хасах хялбар, сонирхолтой аргачлалыг заалаа. Багш бүр 1 дүгээр ангийн математикийн хичээлийн тооны бүтэц бүлэг сэдвийг заахдаа шатлал алгасахгүй, шат шатаар хүүхдэд бүрт хүртээмжтэй, тэднийг оролцоог хангасан, хичээл бүрийн агуулга,  онцлогт тохирсон сургалтын хэрэглэгдэхүүнийг ашиглан заавал үр дүнд хүрэх тухай мэдээлэв. Сургалтад ашигласан слайд

Нийтэлсэн : Bumaa | Уншсан (67) | Сэтгэгдэл ( 0 ) | Дэлгэрэнгүй

10, 11 дэх жилдээ ажилласан багш нарын мэргэжил дээшлүүлэх үндсэн сургалтын тухай

2014-09-08 09:51:03

10, 11 дэх жилдээ ажилласан багш нарын мэргэжил дээшлүүлэх үндсэн сургалтын  тухай

Боловсрол, шинжлэх ухааны сайдын 2013 оны А/287 дугаар тушаалыг үндэслэн, ерөнхий боловсролын сургууль, сургуулийн өмнөх боловсролын байгууллагад 2013-2014 оны хичээлийн жилд 10, 11 дэх жилдээ ажилласан багш нарын мэргэжил дээшлүүлэх  үндсэн сургалтыг Улаанбаатар, Ховд, Дорнод, Хөвсгөл бүсүүдэд зохион байгуулна. Сургалтад оролцогчид багшлах эрхийн үнэмлэх эх хувиар, 1% цээж зураг, нийгмийн даатгалын дэвтрийн хуулбар, батлагдсан тарифаар үйлчлүүлсэн зам тээврийн газрын тамга бүхий ирэх, буцах унааны баримт, томилолтын хуудас, иргэний үнэмлэхийн хуулбар, зөөврийн компьютер, цагаан хэрэглэлтэй ирэх, мөн сургалтад оролцогч багш нар туршлага хуваалцах дадлага сургалтын хөтөлбөрт тусгагдсан тул өөрийн ажлын туршлага, амжилт, бүтээлийн сан, орон нутаг, сургуулийн тэргүүн туршлагаа хуваалцах бэлтгэлтэй ирэхийг багш нарт зөвлөж байна. Бага боловсролын 10, 11 дэх жилдээ ажилласан багш нарын сургалт 10 дугаар сарын 8-аас 15-ны өдрүүдэд Дорнод аймагт зохион байгуулагдана. Сургалт зохион байгуулагдах сургуулийг  жич зарлана. Сургалтын албан тоот,  мэргэжил бүрийн хуваарь, дэлгэрэнгүй хэсгээс уншина уу. Сургалтад хамрагдах багш нарын нэрс

Нийтэлсэн : Bumaa | Уншсан (84) | Сэтгэгдэл ( 0 ) | Дэлгэрэнгүй

БАГА БОЛОВСРОЛЫН СУРГАЛТЫН ЦӨМ ХӨТӨЛБӨРИЙГ ХЭРЭГЖҮҮЛЭХ БАГШ, СУРГАЛТ ЗОХИОН БАЙГУУЛАГДЛАА.

2014-08-26 09:29:10

БАГА БОЛОВСРОЛЫН СУРГАЛТЫН ЦӨМ ХӨТӨЛБӨРИЙГ ХЭРЭГЖҮҮЛЭХ БАГШ, БОЛОВСОН ХҮЧНИЙ ЧАДАВХИЙГ ДЭЭШЛҮҮЛЭХ СУРГАЛТ АМЖИЛТТАЙ ЗОХИОН БАЙГУУЛАГДЛАА.

Бага боловсролын сургалтын цөм хөтөлбөрийн хэрэгжилтийн бэлтгэл ажлыг хангах зорилгоор УБ хотоос Д.Энхтулга багшаар ахлуулсан 7 хүний бүрэлдэхүүнтэй баг 2014 оны 8 дугаар сарын 15-17-ны өдрүүдэд Боловсролын газрын бага боловсролын мэргэжилтэн Ж.Бумтуяа, үндэсний лаборатори Хан-Уул цогцолбор сургуулийн  сургалтын менежер Ч.Цогзолмаа болон  бага ангийн сургагч багш нартай хамтран сургалтыг амжилттай зохион байгууллаа.

Нийтэлсэн : Bumaa | Уншсан (599) | Сэтгэгдэл ( 0 ) | Дэлгэрэнгүй

БАГА БОЛОВСРОЛЫН ШИНЭЧИЛСЭН ХӨТӨЛБӨРИЙН СУРГАЛТЫН ТАЛААРХ МЭДЭЭЛЭЛ

2014-08-10 11:37:43

БАГА БОЛОВСРОЛЫН ШИНЭЧИЛСЭН ХӨТӨЛБӨРИЙН СУРГАЛТЫН ТАЛААРХ МЭДЭЭЛЭЛ

Боловсрол, Шинжлэх Ухааны сайдын 2014 оны “Сургалтын төлөвлөгөө, цөм хөтөлбөр, багийн бүрэлдэхүүн батлах тухай” А/240 дүгээр тушаалын хэрэгжилтийг хангах зорилгоор бага боловсролын цөм хөтөлбөр хэрэгжүүлэх, түгээн дэлгэрүүлэх үйл ажиллагааг 2014 оны 08 дугаар сарын 15-17-ны өдрүүдэд өглөө 09.00 цагаас Хэрлэн сумын 1 дүгээр сургууль дээр зохион байгуулах тул бага ангийн бүх багш, бага ангид англи хэл, хөгжим, биеийн тамирын хичээл заах багш, бага боловсролын сургалтын менежер, сургуулийн захирал бүрэн хамрагдана уу.

Жич: Сумаас оролцогчдын замын зардлыг боловсролын төвлөрсөн арга хэмжээний зардлаас санхүүжүүлэх тул унааны баримт авчирна уу.

 

Нийтэлсэн : Bumaa | Уншсан (44) | Сэтгэгдэл ( 0 ) | Дэлгэрэнгүй

БАГА БОЛОВСРОЛЫН ШИНЭЧИЛСЭН ХӨТӨЛБӨРИЙН ТАНИЛЦУУЛАХ СУРГАЛТ БОЛЛОО.

2014-05-05 10:15:53

БАГА  БОЛОВСРОЛЫН ШИНЭЧИЛСЭН ХӨТӨЛБӨРИЙН ТАНИЛЦУУЛАХ СУРГАЛТ БОЛЛОО.

Бага, дунд боловсролын чанарын шинэчлэлийн бодлогын хэрэгжилтийн талаар мэдээлэл өгөх, хэрэгжилтийн явцыг танилцуулах, хүүхдийн хөгжлийг дэмжсэн багшлах арга зүйг түгээн дэлгэрүүлэх зорилгоор Хан-Уул лаборатори сургууль дээр 5 дугаар сарын 1-3-ны өдрүүдэд Боловсролын газар, Хан-Уул цогцолбор лаборатори сургуультай хамтран зохион байгууллаа.

Нийтэлсэн : Bumaa | Уншсан (205) | Сэтгэгдэл ( 1 ) | Дэлгэрэнгүй

Шинэчилсэн хөтөлбөрийн сургалт 5-р сарын 1-ээс эхэлнэ.

2014-04-23 21:34:06

БАГА, ДУНД БОЛОВСРОЛЫН ЧАНАРЫН ШИНЭЧЛЭЛИЙН БОДЛОГЫН ХЭРЭГЖИЛТ-ХҮҮХЭД БҮРИЙН ХӨГЖЛИЙГ ДЭМЖИХ АРГА ЗҮЙ”

 СУРГАЛТ БОЛНО.

Зорилго:

Бага, дунд боловсролын чанарын шинэчлэлийн бодлогын хэрэгжилтийн талаар мэдээлэл өгөх, хэрэгжилтийн явцыг танилцуулах, хүүхдийн хөгжлийг дэмжсэн багшлах арга зүйг түгээн дэлгэрүүлэхэд оршино.

Зорилт:

-       Бага боловсролын шинэчилсэн сургалтын хөтөлбөрийн хэрэгжилтийн явцыг мэдээлэх

-       Хүүхэд бүрийн хөгжлийг дэмжих сургалтын технологийн хэрэгжилт, үзүүлэх хичээл заах, аргачлал танилцуулах

-       Лаборатори сургуулийн бага боловсролын сургалтын шинэчилсэн хөтөлбөрийн  туршилтын явцтай танилцах

Нийтэлсэн : Bumaa | Уншсан (128) | Сэтгэгдэл ( 2 ) | Дэлгэрэнгүй

3 ДУГААР АНГИЙН БАГШ НАРЫН СУРГАЛТ БОЛЛОО.

2014-04-11 09:29:02

3 ДУГААР АНГИЙН БАГШ НАРЫН СУРГАЛТ БОЛЛОО.

3 дугаар ангийн багш нарт 4 дүгээр сарын 9-ний өдөр “Хөгжилтэйгөөр зургийн хичээлийг заая” сэдвээр 30 багшид Жайка байгууллагын сайн дурын ажилтан, Хан-Уул цогцолбор сургуулийн багш Изүми, 5 дугаар сургуулийн багш Харука нар сургалт зохион байгуулав. Энэхүү сургалтаар зургийн хичээлээр өөрөө бодож, илэрхийлэхийн жаргалыг эдлэх, янз бүрийн материал ашиглан, таван мэдрэхүйг ашиглаж, дотоод сэтгэлээ хэрхэн илэрхийлж болох талаар шинэлэг санаануудыг заалаа.“Сургалтаар бэлтгэсэн мэдээлэл”-тэй танилцана уу.

 

 

Нийтэлсэн : Bumaa | Уншсан (36) | Сэтгэгдэл ( 1 ) | Дэлгэрэнгүй