ЭХ АНГИЙН БАГШ

ДОРНОД АЙМГИЙН ЕБС-ИЙН БАГА АНГИЙН БАГШ НАР, СУРГАЛТЫН МЕНЕЖЕРҮҮДИЙГ МЭДЭЭЛЭЛ, АРГА ЗҮЙ, ЗӨВЛӨГӨӨГӨӨР ХАНГАНА.

МЭДЭЭ МЭДЭЭЛЭЛ

САР ШИНЭДЭЭ САЙХАН ШИНЭЛЭЭРЭЙ.

2016-02-08 11:24:02
САР ШИНЭДЭЭ САЙХАН ШИНЭЛЭЭРЭЙ.
Ирэх жилийн төөргийг итгэлийн өнгөөр сүлж
Идээ шүүснийхээ дэргэд эрхэмсэг залрах аав ээждээ
Тэнгэрийн өнгөтэй хадгаар ерөөл золгож үнсүүлээрэй
Тэргүүн сарын шинийн нэгэндээ энх мэнд золгоорой. 


Найман зууны түүхийг нар зөв хурайлсан
Намхан хүлгээ унаж дэлхий зулайд омoгшсон
Нар сүлдтэй Монгол түмэн минь могой жилээ үдэж
Настан буурлаан цэнгүүлэн морь жилээ угтаж байна.
Нар хурайлж цэнгэлдэх дэлхийд ганцхан монгол заяа
Наран тойрогт алдарахгүй Эзэн Чингэсийн угсаа
Сааршгүй сайныг бэлэглэх эцэг дээдсийн заншилтай
Сайхан бүхнийг ерөөх энх мэндийн учралтай
Монгол түмэн минь сар шинэдээ сайхан шинэлээрэй.
***        ***        ***        ***    

 
Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

МАНАЙ ХАМТ ОЛОН АЙМГИЙН ТЭРГҮҮНИЙ АГЕНТЛАГААР ШАЛГАРЛАА.

2016-02-05 17:28:13

МАНАЙ ХАМТ ОЛОН АЙМГИЙН ТЭРГҮҮНИЙ АГЕНТЛАГААР ШАЛГАРЛАА.

Манай боловсролын салбарын хамт олон 2015 онд олон амжилтаар улсдаа тэргүүлж, аймагтаа ажил үйлсээрээ шалгарч, тэргүүний агентлагаар тодорлоо. Энэхүү амжилт манай багш нарын амжилт байлаа. Тухайлбал: 2015 онд 12 дугаар сургуулийн багш О.Мөнхгэрэл "Улсын тэргүүний багш"-аар шалгарсан, Хан-Уул цогцолбор сургуулийн сургалтын менежер Ч.Цогзолмаа, багш  О.Мөнхгэрэл нар Монгол Улсын "Зөвлөх багш" мэргэжлийн зэргийн болзлыг хангасан,  12 дугаар сургуулийн бага ангийн багш нарын хамтын илтгэл "Оны шилдэг илтгэл"-ийн уралдаанд амжилттай оролцсон, Хан-Уул цогцолбор сургуулийн багш Б.Доохүү "Сайн хичээл, үйл ажиллагаа"-ны улсын зөвлөгөөнд Иргэний боловсрол үйл ажиллагааг амжилттай зохион байгуулсан гээд олон сайхан амжилтыг улсдаа гаргалаа.  Нийт багш, удирдлагууд, эцэг эх та бүхний хамтын амжилтыг бахархая.

 

Нийтэлсэн : Bumaa | Уншсан (0) | Сэтгэгдэл ( 1 ) | Дэлгэрэнгүй

ЗӨВЛӨХ БАГШ НАР ЗӨВЛӨЛДЛӨӨ.

2016-02-03 19:39:19

ЗӨВЛӨХ БАГШ НАР ЗӨВЛӨЛДЛӨӨ.

БСШУ-ны сайдын А/506 тоот тушаалаар 2015-2016 оны зөвлөх багш нарыг тодруулсан. Зөвлөх багш шалгаруулах ажлын хэсэг улсын хэмжээнд нийт 83 материал хүлээн авч үүний 50 нь шалгарсан. 2016 оны нэгдүгээр сарын 29-ны өдөр “Зөвлөх багш нарын зөвлөлдөх уулзалт”-ыг Багшийн мэргэжил дээшлүүлэх институтээс зохион байгууллаа. Уулзалтын гол зорилго нь Зөвлөх багш нарын цаашдын зорилгыг тодорхойлох, аймаг орон нутагт сургууль дээрээ хэрхэн туршлага арга зүйгээ түгээн дэлгэрүүлэх, мэргэжлийн байгууллагууд тэр дундаа Багшийн мэргэжил дээшлүүлэх институттэй хэрхэн хамтран ажиллаж өөрсдийн арга зүй тэргүүн туршлагаа хуваалцах вэ гэдгээ ярилцсан юм.“Зөвлөх багш гэдэг маань дан ганц шагнал урамшуулал биш мөн үүрэг хариуцлага, нэр төр юм” гэдгийг БМДИ-ийн захирал Г.Сүглэгмаа онцлон хэлж байна. Хан-Уул цогцолбор сургуулийн сургалтын менежер Ч.Цогзолмаа, 12 дугаар сургуулийн багш О.Мөнхгэрэл нар “Зөвлөх багш” мэргэжлийн зэргийн үнэмлэхээ гардан авлаа.

 

 

Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

МЭРГЭЖИЛ ДЭЭШЛҮҮЛЭХ ҮНДСЭН СУРГАЛТАД ХАМРАГДАХ ЗӨВЛӨМЖ

2016-01-31 21:15:32

МЭРГЭЖИЛ ДЭЭШЛҮҮЛЭХ ҮНДСЭН СУРГАЛТАД ХАМРАГДАХ ЗӨВЛӨМЖ

Боловсрол, Соёл, Шинжлэх Ухааны Сайдын 2013 оны  А-287 тоот  тушаалаар батлагдсан  “Сургуулийн өмнөх болон бага, дунд боловсролын байгууллагын багш, ажилтны мэргэжил дээшлүүлэх журам”-ын дагуу Багшийн Мэргэжил Дээшлүүлэх Институт нь эхний болон тав, арав дахь жилдээ ажиллаж буйерөнхий боловсролын сургууль, сургуулийн өмнөх боловсрол, албан бус боловсрол/насан туршийн боловсролын төвийн багш, ажилтан (захирал, эрхлэгч, сургалтын менежер, нийгмийн ажилтан, арга зүйч, дотуур байрын багш, номын санч, эмч, туслах багш)-ын мэргэжил дээшлүүлэх үйл ажиллагааг зохион байгуулдаг билээ. Энэхүү мэргэжил дээшлүүлэх үндсэн сургалтын бүртгэлийг 2015 оноос эхлэн орон даяар онлайн хэлбэрээр (http://burtgel.itpd.mn/) зохион байгуулж байна. 2016 онд сургалтад хамрагдах багш,  ажилтнуудын бүртгэлийг 2015 оны 9-11 сард зохион байгуулж, бүртгэлд хамрагдсан багш, ажилтны тоонд үндэслэн сургалтын төсөв, төлөвлөгөөг боловсруулсан бөгөөд мэргэжил дээшлүүлэх үндсэн сургалтыг дараах хугацаанд зохион байгуулна.  Үүнд: 10 дахь жилдээ ажиллаж буй багш, ажилтан 1-2 дугаар сард, 5  дахь жилдээ ажиллаж буй багш, ажилтан 3-4 дүгээр сард, эхний жилдээ ажиллаж буй багш, ажилтан 5-6 дугаар сард тус тус сургалтад хамрагдана.

 

Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

ХҮҮХДИЙН УРАН ЗОХИОЛЫН 110 НОМЫГ БҮРЭН ЭХЭЭР НЬ ЦАХИМ ХЭЛБЭРТ ОРУУЛЛАА.

2016-01-31 20:03:43
ХҮҮХДИЙН УРАН ЗОХИОЛЫН 110 НОМЫГ БҮРЭН ЭХЭЭР НЬ ЦАХИМ ХЭЛБЭРТ ОРУУЛЛАА.
БСШУЯ, Азийн сангийн Азид зориулсан ном хөтөлбөрийн хүрээнд  өнөөдөр "Хамтдаа уншицгаая" цахим номын сангийн хөтөлбөрийн нээлт" боллоо.

Азийн сангийн Азид Зориулсан ном хөтөлбөрөөс Азийн гурван оронд шинээр хэрэгжүүлж эхэлж буй цахим номын сангийн "Хамтдаа уншицгаая" хөтөлбөр нь БСШУЯ-ны Зөв Монгол хүүхэд хөтөлбөрийн дэд хөтөлбөр буюу Ном хөтөлбөрийн үйл ажиллагаатай уялдаж буй юм. 

Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

БАГА БОЛОВСРОЛД “ЗӨВЛӨХ БАГШ” НЭМЭГДЛЭЭ.

2016-01-29 14:23:38

БАГА БОЛОВСРОЛД “ЗӨВЛӨХ БАГШ” НЭМЭГДЛЭЭ.

Хан-Уул цогцолбор сургуулийн сургалтын менежер Ч.Цогзолмаа, 12 дугаар сургуулийн багш О.Мөнхгэрэл нар Монгол Улсын “Зөвлөх багш” мэргэжлийн  зэргийн болзлыг хангалаа.  2015 онд Монгол Улсын "Зөвлөх багш" мэргэжлийн зэрэг авсан багш нарын нэрсийг танилцуулж байна. Багш нартаа баяр хүргэе. САЙДЫН ТУШААЛ

 

Нийтэлсэн : Bumaa | Уншсан (0) | Сэтгэгдэл ( 0 ) | Дэлгэрэнгүй

ШИНЭ ЖИЛИЙН БАЯРЫГ ДЭЛХИЙН УЛСУУД ХЭРХЭН ТЭМДЭГЛЭДЭГ ВЭ

2015-12-18 16:59:29

ШИНЭ ЖИЛИЙН БАЯРЫГ ДЭЛХИЙН УЛСУУД ХЭРХЭН ТЭМДЭГЛЭДЭГ ВЭ

 Шинэ жилийн баяр хүн төрөлхтний түүхэн дэх хамгийн эртний баяр юм. Түүхэнд тэмдэглэснээр эртний Вавилонд 4000 гаруй жилийн өмнө хүмүүс он солигдох үеийг баяр хөөртэй өнгөрөөдөг байжээ. Вавилончуудын шинэ оны баяр хаврын анхны өдөр буюу урин цагийн анхны шинэ сар гарсан өдөр тохиолддог байв. Мөн Эртний Ромын цаг тооны бичигт жилийг 10 сард хуваан гуравдугаар сарын нэгнийг шинэ жилийн эхний өдөр гэж тооцдог байв. Харин МЭӨ 713 оноос цаг тооны хуанлид нэг, хоёрдугаар сар нэмэгдсэн. Үүнээс 600 жилийн дараа шинэ оныг өнөөгийн тооллоор тоолж, тэмдэглэх болсон байна.

 

 

Нийтэлсэн : Bumaa | Уншсан (14) | Сэтгэгдэл ( 0 ) | Дэлгэрэнгүй

ИРЭЭДҮЙН БОЛОВСРОЛЫН ТУХАЙ СУГАТА МИТРАГИЙН ИЛТГЭЛ

2015-12-14 16:21:21
  ИРЭЭДҮЙН БОЛОВСРОЛЫН ТУХАЙ СУГАТА МИТРАГИЙН ИЛТГЭЛ

Мянга мянган шинэчлэгч, өөрчлөгч залуусын хөтөч болсон TED-ийн “Ideas worth spreading” тодотголыг бодитоор биелүүлэгч TEDx чуулга манайд зохиогддог болоод цөөнгүй жилүүдийг өнгөрүүлжээ. Өчигдөр TEDxUlaanbaatar 2015 чуулга “Эерэг сэтгэлгээ” сэдэвтэйгээр Төрийн гурван өндөрлөгийн гэр харшийн хаяанаа амжилттай болж өндөрлөсөн юм. Нийт 8 илтгэгчид өөрийн санал, санаачлага, туршлага, үзэл бодлоо залуустай хуваалцсан бөгөөд  зохион байгуулагчид нь Монгол илтгэгчдийн өгөөжтэй ярианы дундуур олон улсын TEDx арга хэмжээний шилдэг илтгэлүүдийн бичлэгээс түүвэрлэн хүргэсэн ба илтгэгч Сугата Митра /Sugata Mitra/-ийн "Ирээдүйн боловсрол"-ын тухай илтгэлийг танилцуулж байна.

 

Нийтэлсэн : Bumaa | Уншсан (6) | Сэтгэгдэл ( 0 ) | Дэлгэрэнгүй

11 САРААС “БАГА АНГИЙН БАГШ” СЭТГҮҮЛ ШИНЭ КОНЦЕПТООР

2015-12-02 10:27:46
  11 САРААС “БАГА АНГИЙН БАГШ” СЭТГҮҮЛ ШИНЭ КОНЦЕПТООР

“Монсудар” хэвлэлийн газар, “Бага боловсролыг дэмжих төв” ТББ-аас эрхлэн гаргадаг “Бага ангийн багш” сэтгүүл 11 сараас  шинэ концептоор гарч эхэллээ.  Үүнд сар бүрийн дугаар сургалт, сурган хүмүүжүүлэх ухаан, заах аргазүйн тодорхой сэдвийн хүрээнд гарахаар боллоо. 2015, 2016 оны дугаарууд  дараах сэдвээр гарна. 

 

Нийтэлсэн : Bumaa | Уншсан (23) | Сэтгэгдэл ( 0 ) | Дэлгэрэнгүй

МЭДЭЭЛЭЛ ИРҮҮЛЭХ ТУХАЙ

2015-12-01 15:08:41

МЭДЭЭЛЭЛ ИРҮҮЛЭХ ТУХАЙ

Хүүхэд нэг бүрийг хөгжүүлэх боловсролын чанарын шинэчлэлийн хүрээнд 2015 онд аймгийн хэмжээнд сургуулийн өмнөх болон бага, дунд боловсролд орон нутаг санаачлан, амжилттай хэрэгжүүлсэн 1-2 онцлох ажил, хүрсэн үр дүнгээ товч байдлаар холбогдох тоо баримт, зургийн хамт 2015 оны 12 дугаар сарын 4-ний дотор dornod@itpd.mn хаягаар ирүүлнэ үү. Тайланд ирүүлэх зургийн чанар, үйл ажиллагааны үр дүнг товч, тодорхой, ойлгомжтой бичихэд анхаарна уу.

 

Нийтэлсэн : Bumaa | Уншсан (15) | Сэтгэгдэл ( 0 ) | Дэлгэрэнгүй